Raportohen dy raste të dhunës në familje në Drenas, nga një në Podujevë, Prishtinë, Prizren e Gjakovë

Ndër raste të tjera të shumta në raportin e policisë, të pranishme ishin edhe rastet e dhunës në familje. 

Dhunë në familje, ndër raste të tjera, është raportuar në Drenas, Podujevë, Prishtinë, Prizren e Gjakovë.

Këto janë rastet të raportuara nga Policia e Kosovës:

1. Gllogoc 13.06.2023 – 08:50. Është arrestuar i dyshuari mashkull kosovar pasi që i njëjti pas një mosmarrëveshje i ka shkaktuar dhunë psikike, viktimës femër kosovare- bashkëshortes së tij. Me vendim të prokurorit, pas intervistimit i njëjti është liruar në procedurë të rregullt.
2. Podujevë 09.06.2023 – 15:00. Me datë 13.06.2023 viktima femër kosovare ka raportuar se ish bashkëshorti i saj, i dyshuari mashkull shqiptar shtetas i Republikës së Maqedonisë Veriore, ka shkuar tek shtëpia e prindërve të saj ku tani jeton viktima dhe e ka kanosur viktimën. Në lidhje me rastin është konsultuar prokurori i shtetit, rasti vazhdon të hetohet.
3. Gllogoc 12.06.2023 – 14:00. Është arrestuar i dyshuari mashkull kosovar nën dyshimin se ka ushtruar dhunë ndaj bashkëshortes së tij, viktimës femër kosovare. Me vendim të prokurorit, pas intervistimit i dyshuari është dërguar në mbajtje.
4. Prishtinë 03.06.2023 – 22:16. Në lidhje me rastin është raportuar se me 13.06.2023 është arrestuar i dyshuari mashkull kosovar i cili për shkak të gjendjes shëndetësore është dërguar në spital dhe gjendet nën përkujdesje të policisë.
5. Prizren 01.06.2023 – 12:00. Me datë 13.06.2023 viktima femër kosovare ka raportuar se është sulmuar fizikisht nga bashkëshorti i saj, i dyshuari mashkull kosovar i cili tani ndodhet jashtë shtetit. Në lidhje me rastin është konsultuar prokurori i shtetit, rasti vazhdon të hetohet.
6. Gjakovë 11.06.2023 – 23:30. Në lidhje me rastin me datë 13.06.2023 është arrestuar i dyshuari mashkull kosovar dhe i njëjti pas intervistimit me vendim të prokurorit është dërguar në mbajtje. /FolDrejt/