Gazetari i “KOHA”-s, i cili shkruan me plot gabime gjuhën shqipe, Arben Ratkoceri, nuk ka pasur kurajo t’i dalë në debat filologut dhe atë që njihet edhe si ideologu i partisë Alternativa, Zeqirija Ibrahimit, informon foldrejt.com.
Pasi z. Ibrahimi shkruajti se:
“Meqë kaluan disa ditë dhe debati në lidhje me shkrimin që e pata nuk resht, u bëj thirrje publike debatuesve që kanë qejf të marrin LIKE në FB dhe pak duartrokitje nga rrethi i tyre “intelektual”, që ta zgjedhin TV-në ku të duan ata dhe të debatojmë publikisht. Bile, mund ta ftojnë edhe ndonjë “asistent” të Prishtinës – nëse nuk ndjehen të sigurt. Ose, të shkojmë në Prishtinë. Si ta kenë më mbarë! Unë jam gati dhe nuk kam nevojë për asistencë. Veç bëni zë.”
Gazetari Arben Ratkoceri, në një shkrim të gjatë, si për të dashur të tregojë se nuk e njeh mirë gjuhën shqipe, pezulloi një debat publik, duke shkruajtur siç vijon:
“Debat gjithsesi!
Pas 12 Prillit padyshim, edhe atë në TV Shenja do kisha zgjedhur unë!
Qëllimisht dua në këtë TV që drejtohet nga miqtë e tu të paaftë e të paditur, por ideoligjikisht jeni tok, e për fat te shqiptarëve të Maqedonisë, përkundër viteve në eter dhe milionave të harxhuara, shikueshmëria e ndikimi nuk kalon as mëhallen e tyre.
Pa dashur të ta legjitimoj kauzën dhe inspirim tënd ideologjik, do dalë përballë teje – ju si punonjës shkencor e unë në rolin e gazetarit.
Cinizmin që përdorë e shoh të panevojshëm, sepse është mjet i të përvuajturit për të dëshmuar ironinë e mbijetesës së vet ideologjike!
Unë dhe miqtë e mi intelektualë jemi një ushtri e madhe dhe, çetave ideologjike të tipit tënd ndër mote ju kemi bë ballë me dinjitet e kauzë kombëtare.
Për dallim, ne nuk jemi mësuar të mbijetojmë, ne e jetojmë lirinë që na e jep inspirimi i Skënderbeut e Dervish Carës (emblema që shumë kënd i tmerron). Pa vuajte dhe mazohizëm veprojmë, por jo për fushatp politike, prandaj vetëm pas 12 Prillit, menjëherë më 13 Prill aty më ke, në TV Shenja! Përsëris, refuzoj të debatoj me ty keto ditë sepse pergjigjen time e more, nuk kam çka i shtoj më shumë që ti ta shfrytëzosh për fushatë e të dëshmosh një tezë që une e shoh të rrëzuar, të devalvuar, të panatyrshëm për indin tim kombëtar, të PANEVOJSHME!
Edhe tjetra, të mos u lë hapësirë ashtu siç ndodhi në postimin tim të parë, një pakicë idiotësh që mezi pritën të futen në konspiracione duke e ndëlidh me aktualitetin parazgjedhor. Shqetësimi im tejkalon marrëzin tuaj ditore politike.
Për më shumë, koha ime është shumë e shtrenjtë që tl merrem me fushatën tënde minore ideologjike që është lidh në nyjen e gordionit të një islami politik, të cilin ti lyp ta nxisësh kot më kot!
Miqtë e mi nga Kosova, Maqedonia dhe Shqipëria e kudoqofshin, janë rahat në pellgun e dinjitetit të pastër kombëtar.
Çetën tënde ideologjike ne e trajtojmë si një kancer për shoqërinë tonë, ngadalë ngadalë dhe me dinjitet.
Miqësisht të kisha sygjeru, mos lyp senzacionin po lyp të vërtetën. Senzacioni, zakonisht njerëzit e parealizuar i shndërron në cirk dogmatësh mizor!
Shihemi më 13 Prill, në TV Shenja, me ty punonjës shkencor, unë gazetar!
P.S. Debatin si politikan, përballë me Menduh Thaçin politikan, po ta mbajti!”
I gjithë ky debat u shkaktua nga një shkrim i Zeqirija Ibrahimit, i cili ngrinte lartë figurën e Ferhat Dragës, krahas Adem Jasharit e Harun Aliut, kurse sipas Ratkocerit, “sakrifica sublime ekskluzive e tyre kombëtare, barazvlerësohet me disa turkoshak të tipit të “Xhemijetit” e të disa anonimusave, kryesisht teolog të mëhallave, që në historinë shqiptare as që permenden, do të lëviznin eshtrat nga varret e tyre”.
