Ministri i Punëve të Brendshme Xhelal Sveçla ka reaguar pas raportimit për rastin e keqtrajtimit të të moshuarës në Pejë, shkruan Fol Drejt.
Sipas ministrit “veprime të tilla të dhunës janë të papranueshme kudo që ndodhin”, prandaj ka kërkuar që personat e përfshirë në këtë akt çnjerëzor, të sillen para drejtësisë:
“Me shqetësim kemi parë të gjithë pamjet e keqtrajtimit të një gruaje të moshuar nga një grup vajzash, në një shtëpi të përkujdesjes së të moshuarve në Pejë.
Veprime të tilla të dhunës janë të papranueshme kudo që ndodhin, por në veçanti janë më të rënda kur ndodhin brenda institucioneve që konsiderohen të ofrojnë ndihmë dhe përkujdesje.
Nga Policia e Kosovës jam njoftuar që deri më tani janë arrestuar dy nga dhunueset dhe hetimet po vazhdojnë. Fuqishëm bëj thirrje për sjelljen para drejtësisë të të gjithë personave të implikuar në këtë akt çnjerëzor.”/FolDrejt/
