Sipas Relevo, Real Madridi do të përdorë Kupën e ardhshme të Botës në Katar si një mundësi për të kërkuar një numër 9 të ardhshëm.
Mosha e Karim Benzemas dhe problemet e vazhdueshme të dëmtimeve kanë bërë që Real Madridi të kërkojë një sulmues të ri në treg. Megjithatë, sipas raportit, objektivi i tyre kryesor, Christopher Nkunku i RB Leipzig është tashmë në bisedime të avancuara me Chelsean.
Objektivi tjetër i tyre për pozicionet e sulmit është Endrick i Palmeiras, megjithatë, braziliani ka mbushur vetëm 16 vjeç kohët e fundit, me klubin që ndjen se ai është shumë i ri për të drejtuar sulmin. Kështu, Real Madridi do të shpresojë që të gjejë gjuajtësin e ardhshëm të madh në turneun e ardhshëm./FolDrejt/
