Protestat masive me miliona njerëz po zhvillohen sot në të gjithë Francën. Trafiku u bllokua në shumë qytete, punëtorët bllokuan terminalin e aeroportit të Parisit, raporton Klix, përcjell Fol Drejt.
Protestat masive vazhduan pasi presidenti Emmanuel Macron premtoi se do të vazhdojë me një reformë pensionesh që ka tërhequr kritika dhe ka zemëruar popullatën.
Demonstruesit kanë bllokuar trafikun në kryeqytetin e Francës, terminalin e aeroportit të Parisit, disa shkolla janë mbyllur, mbeturinat po grumbullohen në rrugë. Kërcënohet edhe prodhimi i energjisë elektrike për shkak të grevës së sindikatës së punëtorëve të termocentralit. Në qytetin verior të Denkerk, një terminal gazi dhe një magazinë nafte u bllokuan.
Në rrugët e bllokuara u vihet flaka gomave dhe është shtuar numri i rasteve të dhunës ndaj demonstruesve.
Macron shkaktoi një reagim të ashpër nga sindikatat dhe partitë opozitare të mërkurën, kur ai refuzoi thirrjet e tyre për të marrë parasysh zemërimin në rritje të popullit.
“Përgjigja më e mirë që mund t’i japim presidentit është se miliona njerëz janë në grevë dhe në rrugë,” tha Philippe Martinez, i cili kryeson sindikatat e linjës së ashpër CGT.
Protestat në Francë janë organizuar për të katërtën javë, por qeveria vijon punën për zbatimin e reformës së pensioneve, e cila përfshin rritjen e moshës së pensionit nga 62 në 64 vjeç. /FolDrejt/
