Më shumë se 60 rezervistë nga programi i inteligjencës elitare izraelite Havatzalot pezulluan shërbimin vullnetar në shenjë proteste kundër planit të diskutueshëm të qeverisë për reformat në drejtësi, shkruan AA, transmeton Fol Drejt.
Programi trajnon oficerët e inteligjencës për role kyçe në Drejtorinë e Inteligjencës të FMI, njoftoi “Walla News” të hënën.
Rezervistët kanë qenë një zë i fuqishëm në lëvizjen protestuese të Izraelit që kur koalicioni i kryeministrit Benjamin Netanyahu njoftoi ndryshimet gjyqësore pas marrjes së detyrës në dhjetor.
Shumë rezervistë thanë se do të kërkonin të liroheshin nga shërbimi nëse koalicioni do të ecte përpara me planin, elementi i parë kryesor i të cilit u miratua në parlamentin e vendit, javën e kaluar.
