Redaksia e foldrejt.com
Përkundër që partitë qeveritare shqiptare BDI dhe Alternativa mbështetën fuqishëm kandidatin e partisë maqedonase SDSM, Stevo Pendarovski, kandidati i pavarur shqiptar Blerim Reka, i mbështetur nga partitë opozitare BESA dhe Aleanca për Shqiptarët, arriti të grumbullojë rreth 80 mijë vota, ose për krahasim, po aq vota sa BDI-ja gjatë zgjedhjeve parlamentare të 2016. Përkëtë Reka fitoi mbështetjen shqiptare dhe se shoqëria e hapur që vetë Reka mund ta reklamonte përpara disa vitesh është akoma larg në Maqedoninë Veriore, shkruan foldrejt.com.
Përkundër gjithë asaj që u përmend më lartë, BDI arriti të fitojë Aleancën dhe u tregoi partive shqiptare se akoma di të përdorë mekanizmat për të fituar, pavarësisht nëse është e dashur ose jo te popullata e gjërë. Në garat komunale në Dibër, kandidati i BDI (Hekuran Duka) arriti të triumfojë kundër kandidatit të Aleancës për Shqiptarët (Arben Agolli) me një diferencë prej rreth 300 votash. Për këtë BDI fitoi Aleancën. Për të mbështetur këtë logjikë, në Dibër vërtet fitoi bindshëm Blerim Reka kundër Pendarovskin dhe Gordana Davkova, por ASH humbi kundrejt BDI kur ishte mes kandidatëve të tyre për të parin e Dibrës.
Partia opozitare maqedonase VMRO-DPMNE, përkundër që kishte një kandidate të dobët, që nuk dëshironte vota shqiptare, ajo arriti të grumbullojë pak më pak vota sesa kandidati qeveritar Stevo Pendarovski. Ky rezultat do ishte i përmbysur, sikur shqiptarët të mos e votonin Pendarovskin. Në Manastir, Prilep, Aerodrom, ka fituar kandidatja opozitare. Vërtet SDSM mund të thotë sipas shifrave se ka fituar zgjedhjet, por diferenca është më e vogël sesa një përqind.
A do godasë Ahmeti pas dyjavësh?
Pas dy javëve do kemi përsëri zgjedhje presidenciale, ku kësaj here do kandidojnë vetëm Stevo Pendarovski dhe Gordana Davkova. Me gjithë thirrjen për të dalur në votime, mezi dolën në zgjedhje 42 përqind e banorëve me të drejtë vote. Pas dy javësh, mjafton një bojkot i lehtë nga partitë shqiptare – ose në fakt i ASH dhe BESËS kundrejt Pendarovskit, pasi Gordana edhe ashtu nuk dëshironte vota shqiptare – dhe nuk mund të arrihet pragu i nevojshëm i 40 përqindëshit. Sipas ligjit të tanishëm, kryetar shteti deri në zgjedhjet e ardhshme bëhet kryeparlamentari që në këtë rast është shqiptar: Talat Xhaferi.
Nëse kjo arrihet, duhet të duartrokitet politikisht Ali Ahmeti. Por ky i fundit duhet të fillojë të mësojë se shqiptarët do vazhdojnë të ikin pavarësisht ‘shqiptarizimit’ të Maqedonisë. Pa luftë kundër korrupcionit dhe nepotizmit, e ardhmja e Maqedonisë Veriore është degdisja./Foldrejt.com
