Provinca lindore kineze e Jiangxi është goditur nga përmbytjet e shkaktuara nga shirat e stuhishme, të cilat kanë shkaktuar evakuimin e rreth 14,000 njerëzve deri më tani.
497,000 njerëz janë në rrezik nga përmbytjet në shtatë zona në provincë, njoftoi Zyra e Situatave Emergjente në atë provincë.
Shtabi Kombëtar për Luftimin e Përmbytjeve dhe Thatësirave dërgoi një grup pune në provincën Jiangxi për të menaxhuar operacionet e shpëtimit, raporton Radio Ndërkombëtare e Kinës, transmeton Fol Drejt.
