Organizata joqeveritare nga qyteti i Mitrovicës “Rinia e Aspiratave- RINAS”, e cila gjatë vitit të kaluar ka arritur të regjistrojë 38 nxënës të saj në Fakultetin e Mjekësisë, ka hapur konkursin për pranimin e nxënësve të rinj.
Nga “RINAS”, kanë njoftuar se të gjithë nxënësit që kanë aspirata të aplikojnë dhe të bëhen studentë në Fakultetin e Mjekësisë, është hapur konkursi për t’i ndjekur kurset në lëndët e Biologjisë dhe Kimisë në Rinas, transmeton Fol Drejt.
Ata kanë theksuar se grupet e reja do të kenë rastin të ndjekin kurse në dy qendrat e tyre në Mitrovicë dhe Prishtinë.
Njoftimi i plotë nga “RINAS”:
Për krejt rininë që e dojnë mjeksinë e dojnë mu pranu, n’trajnimet tona kanë me e gjetë motivin e angazhimin që ju duhet.. ëe aspire to inspire ”
Pas shumë kërkesave nga ana e nxënësve të qyteteve të ndryshme për të marrë pjesë në trajnimet tona, RINAS shpall Thirrjen e re publike për pranimin e nxënësve të rinj.
Bëhuni gati për të zënë vendin tuaj në njërën nga grupet e reja që do të hapen në qendrat tona në Mitrovicë dhe Prishtinë. Ata që janë më të shpejtë zënë vendet e rezervuara për këtë thirrje
Aplikoni duke na shkruar ne insta, fb apo në tel: 049 577 136. Aplikimi është i hapur nga data 18 deri më 31 janar 2022./FolDrejt/
