Rojet e quajtur Koglvego, mbështesin policinë dhe xhandarmërinë për të garantuar sigurinë e popullsisë që jeton në zonat rurale dhe fshatrat.
Rojet lokale (Koglvego), të cilët mbështesin forcat e sigurisë në Burkina Faso, e cila është ndër vendet më të varfra të botës, janë në detyrë për sigurinë dhe rendin e përgjithshëm publik në zonat rurale dhe fshatrat, shkruan AA, transmeton Fol Drejt.
Burkina Faso, që do të thotë “Toka e njerëzve të lumtur”, përbëhet nga 13 rajone dhe 45 qytete. Shumica e njerëzve të vendit, me një popullsi prej rreth 20 milionë banorësh, jetojnë në kryeqytetin Ouagadougou dhe qytetin Bobo-Dioulasso në perëndim të vendit.
Rojet e fshatit, të quajtur Koglvego, mbështesin policinë dhe xhandarmërinë për të garantuar sigurinë e popullsisë që jeton në zonat rurale dhe fshatrat.
Koglvegot, të cilët shërbejnë me rrobat e tyre ngjyrë kafe dhe me pushkët me një qitje ose pushkë të vjetra të lëmuara, janë gjithashtu të respektuar nga vendasit.
Yunus Bendego, përgjegjës për Koglvegot që veprojnë në fshatin Bagum me një popullsi prej 1.000 banorësh në qytetin Leo, 160 kilometra larg kryeqytetit Ouagadougou, tha se ata kanë qenë në detyrë aktive që nga viti 2000.
Duke deklaruar se ata janë aty për të mbështetur zbatimin e ligjit, Bendego theksoi se ata gjithashtu kanë autoritetin për të ndërhyrë në çdo çështje gjyqësore.
Duke u shprehur se Koglvegot janë kryesisht anëtarë të fisit Mossi, Bendego shtoi se ata janë të respektuar dhe përpiqen të plotësojnë kërkesat e banorëve vendas./FolDrejt/
