Në fillim të marsit, ish superylli Ronaldinho u burgos në Paraguai. Braziliani dhe vëllai i tij Roberto de Assis Moreira u kapën me dokumente të rreme identifikimi dhe u arrestuan menjëherë pas hyrjes në vend.
Futbollisti dy herë fitues si lojtari me i mire i shpallur nga FIFA (2004 dhe 2005) u mbajt në arrest për 32 ditë. Pastaj avokatët e tij paguan 1.6 milion dollarë për lirimin me kusht të tij dhe të vellaut.
Tani kampioni botëror 2002 dha intervistën e tij të parë për gazetën paraguaneze “ABC Color” dhe gjithashtu foli për arrestimin e tij.
Ronaldinho: “Burgu ishte një goditje e madhe. Asnjëherë nuk kam menduar se do të kaloj një situatë të tillë ”.
Braziliani: “Unë gjithmonë lutem që gjërat të shkojnë mirë dhe shpresoj se kjo do të përfundojë së shpejti.”
Ronaldinho gjithashtu komentoi pohimin: “Ne u çuditëm plotësisht kur mësuam se dokumentet nuk ishin të ligjshme. Që atëherë kemi punuar me gjyqësorin për të sqaruar çështjen. Ne bëmë gjithçka që na kërkohej ”.
Ai gjithashtu dha informacione për kohën në burg: “Unë isha shumë miqësorë me të gjithë njerëzit me të cilët kisha kontakte. Kam ndjerë ngrohtësinë, dashurinë dhe respektin e të gjithë paraguajanëve që nga dita e parë. Unë jam shumë mirënjohës ”.
Ronaldinho tashmë ka një plan për të ardhmen e tij. Nëse ai mund të kthehet në Brazil si një njeri i lirë, ai do t’i japë “nënës së tij një puthje të madhe”.
