Sulmuesi portugez, Cristiano Ronaldo është duke konsideruar të ardhmen e tij te Manchester Unitedi.
Ronaldo është zhgënjyer nga jeta në Old Trafford dhe dëshiron të takojë agjentin Jorge Mendes për të diskutuar se cilat do të jenë opsionet e tij në fund të sezonit.
Kuptohet se Ronaldo shpreson të ketë bisedime ballë për ballë me Mendes kur ai të kthehet në Portugali në mars për ndeshjen e vështirë kualifikuese të ekipit të tij kombëtar për Kupën e Botës me Turqinë.
Siç u zbulua ekskluzivisht muajin e kaluar, Ronaldo po shqyrton të ardhmen e tij në United, ndërsa pret të zbulojë se kush do të jetë trajneri i ardhshëm i përhershëm.
Por, që atëherë ai ka pësuar një rënie dramatike në formë pasi luftoi për të krijuar një marrëdhënie pozitive me menaxherin e përkohshëm Ralf Rangnick.
Ylli portugez ka dështuar të shënojë në pesë ndeshjet e tij të fundit, duke parë Unitedin të eliminohet nga FA Cup ndaj Middlesbrough dhe e gjeti veten të humbur pas barazimit zhgënjyes të së martës në Burnley.
Ronaldo ka një kontratë deri në vitin 2023, por po pret të shohë se kë do të emërojë klubi si trajnerin e ardhshëm të përhershëm.
Ai ka bërë të ditur se nuk do të mbështeste emërimin e Rangnick, ndërsa nuk ka përvojë të ketë luajtur nën objektivat e tjerë si Mauricio Pochettino dhe Erik Ten Hag.
Në një intervistë të fundit, Ronaldo pranoi se kishte frikë se rikthimi i ëndrrave të tij në United nga Juventusi verën e kaluar ishte në rrezik të shndërrohej në një makth. /Telegrafi/
