Braziliani legjendar Ronaldo ka zbuluar se kush është favoriti i tij për të fituar titullin e Kupës së Botës në Katar pasi Brazili i tij u rrëzua në çerekfinale me një humbje kundër Kroacisë.
Edhe pse Ronaldo do të kishte preferuar ta shihte Brazilin e tij në finalen e turneut dhe në luftën për trofeun, ai duhej të zgjidhte një favorit të ri dhe tani ai ka thënë hapur se kë e konsideron si favoritin më të madh për të ngritur trofeun. .
“Franca e dëshmoi veten në këtë turne. Mendoj se janë favoritë për të fituar kompeticionin. Ata kanë një skuadër solide, qoftë për mbrojtje, mesfushë apo sulm”, tha Ronaldo, deklarata e të cilit u raportua nga mediat e shumta franceze.
Fituesi i dyfishtë i Topit të Artë pati vlerësime të veçanta për Kylian Mbappe , yllin e parë të Francës.
“Ai mund të përfundojë si lojtari më i mirë i Kupës së Botës”. Ai më kujton mua dhe kohën kur kam luajtur, ai di të përdorë cilësitë e tij, kur të përshpejtojë, kur të kalojë dhe kur të përfundojë sulmin”./FolDrejt/
