Shtatë persona kanë pësuar lëndime të rënda në një kafene në Vitomericë të Pejës.
Rasti ka ndodhur mbrëmë, rreth orës 23:30, kështu ka konfirmuar për klankosovën zëdhënësi i Policisë së Kosovës për rajonin e Pejës, Fadil Gashi.
“Mbrëmë rreth orës 23:30 policia është njoftuar se në fshatin Vitomericë, në një kafiteri ka ndodhur një përleshje. Policia menjëherë ka dalur në vendin e ngjarjes. Në këtë përleshje kanë qenë të pëfshirë 7 persona, ku njëri prej tyre ka pësuar lëndime të rënda dhe është duke u trajtuar në spitalin rajonal në repartin e kirurgjisë. Të tjerët me urdhër të prokurorit janë ndaluar për 48 orë”, ka thënë Gashi për klankosova.tv, përcjell Fol Drejt.
