Të paktën 21 persona kanë humbur jetën si pasojë e rrëshqitjeve të dheut në afërsi të qytetit Xian, qendrës së rajonit Shaanxi në veri të Kinës, shkruan AA, transmeton Fol Drejt.
Në një deklaratë nga Zyra e Menaxhimit të Situatave Emergjente në Xian thuhet se për shkak të rrëshqitjeve të dheut të shkaktuara nga përmbytjet e menjëhershme që filluan natën e të premtes, është dëmtuar autostrada në perëndim të qytetit ndërsa është ndërprerë energjia elektrike për 900 shtëpi.
Si pasojë e rrëshqitjes së dheut kanë humbur jetën 21 persona ndërsa vazhdojnë punimet e kërkimit për 6 persona të zhdukur. Që nga korriku, rajonet veriore të Kinës janë përballur me reshje intensive dhe përmbytje të shkaktuara nga tajfunet “Doksuri” dhe “Khanun”.
Në përmbytje kanë humbur jetën gjithsej 142 persona.
