Autoritetet ukrainase kanë zhvarrosur rreth 1000 trupa në vendbanimet e çliruara së fundmi, shkruan The Kyiv Independent, përcjell Fol Drejt.
Trupat e civilëve – përfshirë fëmijë – u zhvarrosën së bashku me mbetjet e personelit ushtarak, sipas Ministrisë së Riintegrimit të Ukrainës.
Numri përfshin 447 trupat e gjetur në një varr masiv në Iziumin e çliruar, në rajonin Kharkiv. Por ministria nuk specifikoi emrat e vendbanimeve të tjera ku autoritetet ukrainase zhvarrosën trupat.
Oleh Kotenko, komisioneri për personat e zhdukur dhe autoritetet e tjera janë ende duke punuar për të përcaktuar numrin e saktë të viktimave të krimeve të luftës së Rusisë.
Që nga 20 tetori, Policia Kombëtare e Ukrainës raportoi se trupat e 111 civilëve dhe 35 ushtarëve ishin gjetur në një varr masiv në Lymanin e çliruar, në rajonin e Donetsk.
Të vrarët u varrosën në llogore dhe disa varre ishin të pashënuara, tha policia.
Në total, në Lyman, janë gjetur 25 varre masive. Për më tepër, 58 varre masive janë gjetur në vendbanimet e çliruara të rajonit Donetsk, tha policia. /FolDrejt/
