Ushtria e Tajvanit ka rrëzuar për herë të parë një dron civil që hyri në hapësirën e tij ajrore pranë një ishulli në brigjet kineze, menjëherë pasi presidentja Tsai Ing-wen urdhëroi ushtrinë të merrte “kundërmasa të forta” ndaj atyre që ajo i quajti provokimet kineze.
Komanda e mbrojtjes për Kinmen, një grup ishujsh të kontrolluar nga Tajvani përballë qyteteve kineze Xiamen dhe Quanzhou, tha se trupat në ishull u përpoqën ta paralajmëronin largimin e tij, por pa rezultat, kështu që e rrëzuan atë, me mbetjet që ranë në det, raporton Guardian, përcjell Klankosova.tv.
Qeveria e Tajvanit ka thënë se nuk do të provokojë apo përshkallëzojë tensionet, por është acaruar veçanërisht kohët e fundit nga rastet e përsëritura të dronëve kinezë që përshkonin ishujt e kontrolluar nga Tajvani afër bregdetit të Kinës.
