Në sulmet ajrore që Rusia ndërmori në rajon kanë humbur jetën 22 persona, përfshirë 3 fëmijë.
Është rritur në 22 numri i personave që kanë humbur jetën në sulmet ajrore që ushtria ruse ka ndërmarrë dje në qytetin Sumy të Ukrainës, shkruan AA, transmeton Fol Drejt.
Dmitry Zhivitsky, kreu u administratës ushtarake rajonale në Sumy të Ukrainës, në një deklaratë në rrjetet sociale, theksoi se dje qyteti Sumy u bombardua 3 herë dhe se në sulmet ajrore që Rusia ndërmori në rajon kanë humbur jetën 22 persona, përfshirë 3 fëmijë.
Zhivitsky tha se në këto sulme janë plagosur 8 persona dhe se mbi 20 shtëpi janë shembur si pasojë e sulmeve.
Shërbimi i Situatave Emergjente të Ukrainës në një deklaratë të bërë dje kishte njoftuar se 9 civilë, përfshirë 2 fëmijë humbën jetën në sulmin ajror që ushtria ruse kishte kryer në qytetin Sumy./FolDrejt/