Ministri i jashtëm rumun, Teodor Melescanu, është intervistuar nga media e majtë austriake Der Standard, ku një pjesë të madhe ia ka kushtuar Ballkanit Perëndimor. Momentalisht Rumania është shteti udhëheqës për BE-në, deri në 30 qershor 2019, shkruan foldrejt.com.
Në lidhje me hapjen ose jo të negociatave me Maqedoninë Veriore dhe Shqipërinë në fund të qershorit, ai tha se për Rumaninë tre pika janë të rëndësishme:
a) duhet të hapet kapitulli i ri i bisedimeve me Malin e Zi dhe Serbinë.
b) E dyta, pas Marrëveshjes së Prespës, Komisioni Europian duhet të fillojë negociatat e anëtarësimit me Maqedoninë Veriore dhe Shqipërinë. Në shpresojmë që të arrijmë sa më shpejt rezultate konkrete.
c) E treta, ne shpresojmë që Bosnja dhe Hercegovina të jetë e gatshme të zgjidh problemet e brendshme. Besojmë që BE duhet ti jap perspektivë të qartë europiane edhe Bosnjës,” tha ai, përcjell foldrejt.com.
Fillimi i negociatave me Maqedoninë Veriore dhe Shqipërinë kundërshtohet ashpër nga Franca. Në rast se nuk hapen negociatat, atëherë do kishte “rrjedhja negative”.
Në lidhje me Brexit, Melescanu, ka theksuar se duhet të respektohet i njëjti trajtim ndaj 400 mijë rumunëve që punojnë në Britani, njëlloj si më parë. “Është e vërtetë që pas BRexit nuk mund të shkojnë rumunët të punojnë në Britani, por për ata që ndodhen tani në Britani, duhet të respektohen ligjet e mëpërparshme.”
Kundër ndarjes së Kosovës
Ministri i jashtëm rumun ka folur edhe kundër ndarjes së Kosovës na vija etnike, ku sipas tij do kishte “mjaft rezerva” për ta pranuar edhe nëse nënshkruhet nga Prishtina dhe Beogradi.
Kjo lidhet edhe me irredentistët hungares në Rumani, të cilët mund të kërkonin me të njëjtin shembull pavarësi nga Rumania.
Ndarja e Kosovës është “mjaft e rrezikshme” dhe të dyja palët duhet të gjejnë një marrëveshje tjetër./Foldrejt.com
