Gjashtë të tjerë të plagosur – raketat S-300 goditën Kharkivin, duke shkatërruar një shkollë në zonë.
Granatimet ruse goditën disa lokacione në Ukrainën jugore dhe lindore, duke vrarë të paktën një person në Mykolayiv dhe duke shkatërruar një shkollë në Kharkiv, thanë sot autoritetet ukrainase, shkruan protothema, transmeton Fol Drejt.
Gjatë natës nga e premtja në të shtunë, një civil mbeti i vrarë dhe gjashtë të tjerë u plagosën nga bombardimet e një zone të banuar në Mykolayiv (në jug), ku u dëmtuan disa ndërtesa, njoftoi sot në Telegram guvernatori rajonal Vitaly Kim.
Ndërtesa kryesore u shkatërrua , sipas kryebashkiakut i cili publikoi fotot e ndërtesës së djegur në Telegram. Nuk ka informacione për viktimat e mundshme.
Sipas guvernatorit të rajonit të Kharkiv, Oleg Sinegubov, të paktën pesë raketa S-300 u hodhën drejt qytetit të Kharkiv gjatë natës nga e premtja në të shtunën.
Granatimet goditën gjithashtu vendndodhjet e Nikopol dhe Chervonogrigorivka në rajonin Dnipro (qëndrore-lindore) pa shkaktuar viktima, sipas njoftimit fillestar nga presidenca ukrainase.
