Një shtetas rus që jetonte në shtetin Saarland të Gjermanisë pohoi se u pushua nga puna vetëm sepse ishte rus.
Rusët që jetojnë në Evropë janë përballur me diskriminim dhe armiqësi që kur filloi lufta e Moskës kundër Ukrainës javën e kaluar, raporton shkruan AA.
Një shtetas rus që jetonte në shtetin Saarland të Gjermanisë pohoi se u pushua nga puna vetëm sepse ishte rus.
Anna Netrebko, një këngëtare ruse e operës, u detyrua të anulonte disa nga shfaqjet e saj të planifikuara evropiane pasi u kritikua ashpër për marrëdhëniet e saj të mira me presidentin rus, Vladimir Putin.
Markat gjermane të shitjes me pakicë Rewe, Penny, Aldi dhe Netto kanë vendosur të mos shesin produkte të prodhimit rus. Ata deklaruan se produktet ushqimore që u hoqën nga raftet do t’u dhurohen grupeve bamirëse.
Një restorant në qytetin Bietigheim-Bissingen në Gjermaninë jugperëndimore njoftoi se klientët me pasaporta ruse nuk do të shërbehen më.
“Ne jemi të vetëdijshëm se qytetari i zakonshëm rus nuk është fajtor për ‘veprimet kriminale’ të qeverisë ruse, por është koha për të bërë qëndrim. Ky është kontributi ynë për të siguruar një Evropë paqësore për fëmijët tanë”, theksoi restoranti në një deklaratë.
Megjithatë, veprimi i restorantit tërhoqi një dënim të gjerë në të gjithë Gjermaninë, duke e detyruar atë të tërhiqte vendimin e tij dhe të lëshonte një deklaratë të re, transmeton Fol Drejt.
Itali
Universiteti Milano-Bicocca në provincën e Milanos të Italisë në mënyrë të diskutueshme ka hequr kursin e shkrimtarit italian Paolo Nori për Fyodor Dostoevsky, autorin rus me famë botërore të “Krim dhe Ndëshkim”.
Më vonë, administrata e universitetit rivendosi kursin e Norit për Dostojevskin pasi mori kritika të ashpra.
Mediat italiane raportuan se ministrja e Universitetit dhe Kërkimit, Maria Cristina Messa tha se ishte një vendim i mençur për administratën e universitetit që të rishikonte dhe rivendoste kursin.
Ndërkohë, dirigjenti rus Valery Gergiev është shmangur nga Shtëpia e Operës La Scale e Milanos për refuzimin për të mbajtur një qëndrim kundër veprimeve të Rusisë kundër Ukrainës.
Më 28 shkurt, kryetari i bashkisë së Milanos, Giuseppe Sala, i cili shërben si drejtues i shtëpisë së operës, deklaroi se nuk beson se Gergiev do të drejtojë shfaqjen e 5 marsit.
Portugali
Rusët që jetojnë në Portugali janë ankuar gjithashtu për reagime të pafavorshme pas luftës.
Një përdorues i rrjeteve sociale ka shpërndarë një foto të një tabele përpara një restoranti në Portugali, ku shkruhet: “Ne nuk u shërbejmë rusëve”.
Anna Pogrebtsova, kreu i Pushkin-it, një shoqatë ruse në Portugali i tha gazetës Expresso se mori një telefonatë anonime ku dikush i bërtiste.
Shumica e kërcënimeve bëhen nga shtetas ukrainas që jetojnë në këtë vend, pohoi ajo, duke cituar një nga telefonuesit të thoshte: “Duhet të vdisni, të gjithë agresorët rusë”.
Spanjë
Një mekanik ukrainas të shtunën u përpoq të fundoste jahtin e shefit të tij rus në Spanjë.
Taras Ostapchuk i tha të përditshmes lokale “Ultima Hora” se ai vendosi të shkatërrojë jahtin Lady Anastasia pasi pa imazhet e një rakete ruse duke goditur një bllok apartamentesh në kryeqytetin e Ukrainës, Kiev, që ai mendoi se mund të ishte i tij.
Ai pretendoi se Alexander Mikheev, kreu i eksportuesit shtetëror rus të armëve Rosoboronexport, është pronar i anijes luksoze prej 7 milionë eurosh (7.8 milionë dollarë).
“Shefi im është një kriminel që shet armë që po vrasin popullin ukrainas”, i tha ai gazetës, duke shtuar: “Nuk jam penduar për atë që kam bërë dhe do ta bëja përsëri”.
Përpjekja e tij dështoi dhe ai u kap nga policia. Pavarësisht rrëfimit të tij, autoritetet spanjolle e liruan Ostapchuk nga paraburgimi pak më vonë.
Norvegji
Një rimorkio që shiste gjalpë rus në Festivalin e Skive Holmenkollen pranë Oslos u vandalizua.
Stefan Marx, drejtor i Festivalit të Skive Holmenkollen tha se kamioni ishte pronë publike dhe ata ishin të shqetësuar nga vandalizmi.
Ndërkohë, u raportua se kanë marrë kërcënime edhe atletët e ekipit kombëtar të kërcimeve me ski të Rusisë.
Alexander Stockl, trajneri i ekipit kombëtar të kërcimeve me ski të Norvegjisë, i tha transmetuesit publik të vendit NRK se atletët rusë kanë marrë kërcënime të përsëritura në vendin e tij, gjë që është e papranueshme.
Atletët nuk ndajnë pikëpamjen e qeverisë ruse, sipas Stockl, i cili beson se atletët duhet të lejohen të kthehen në vendin e tyre të sigurt./FolDrejt/
