Forcat ruse po përgatiten të rifillojnë operacionet sulmuese, ka thënë zëdhënësi i Ministrisë së Mbrojtjes të Ukrainës, Oleksandr Motuzyanyk.
Sipas mediave të huaja, përcjell Telegrafi, ata ende po përpiqen të marrin qytetin port jugor të rrethuar të Mariupolit dhe qytetet Popasna dhe Rubizhne në Luhansk, me përpjekjet e tyre kryesore të fokusuara në rrethimin e trupave ukrainase në lindje të Ukrainës, citohet të ketë thënë ai.
Atje janë vërejtur disa lëvizje të forcave ruse larg rajoneve të Kievit dhe Chernihiv, por komanda ushtarake e Ukrainës nuk e konsideron këtë si një tërheqje masive, shtoi Motuzyanyk.
Rusia tha të martën se do të tërheqë forcat nga kryeqyteti dhe nga qyteti verior i Chernihiv, por thotë se pozicioni i saj ndaj Krimesë dhe rajonit lindor të Donbasit nuk ka ndryshuar.
