Në kulmin e krizës së Ukrainës, rusët po tregojnë fuqinë e tyre ushtarake.
Më të shtëna të fuqishme nga artileria e rëndë ata, bashkë me bjellorusët, nisën të enjten stërvitjet e mëdha ushtarake në tokat e Bjellorusisë.
Kievi ndodhet vetëm rreth 120 kilometra në jug të kufirit me Bjellorusinë, dhe Perëndimi ka frikën se Rusia mund të përdor territorin këtij shteti për të pushtuar Ukrainën.
E këto ushtrime ushtarake i ka quajtur si presion psikologjik presidenti ukrainas, Volodymyr Zelensky . Megjithatë ai tha se tashmë kanë municion e forcë për tu mbrojtur me nderë.
Vetëm 100 kilometra larg kufirit me Rusinë në verilindje të Estonisë manovra ushtarake po zhvillon edhe NATO. Këtu rreth 1300 trupa britanike, estoneze dhe franceze po operojnë si pjesë e një misioni mbrojtës që synon të pengojë agresionin rus.
Aleatët e NATO-s po diskutojnë gjithashtu planet për të dërguar batalione trupash në Sllovaki, Hungari, Bullgari dhe Rumani.
Këtë e konfirmoi edhe sekretari i Përgjithshëm i NATO-s, Jens Stoltenberg, i cili diskutoi çështjen e Ukrainës të enjten në Bruksel me kryeministrin britanik, Boris Jonson.
Stoltenberg theksoi se NATO nuk do të bëjë kompromis mbi parimet thelbësore, që garanton të drejtën e çdo kombi për të zgjedhur rrugën veri-atlantike.
Ndërkaq Johnson e takoi Stoltenberg përpara se të shkonte në Poloni për një vizitë që përfshin takimin e trupave britanike të dislokuara në vend.
