Në Ukrainë, 329 fëmijë konsiderohen aktualisht të zhdukur, ndërsa 12,034 janë dëbuar në Rusi, sipas portalit qeveritar Children of War, transmeton Ukrinform, përcjell Fol Drejt.
“Të dhënat për fëmijët e prekur që nga 28 nëntori 2022: 329 janë zhdukur, 12,034 janë dëbuar dhe 7,819 janë gjetur”, thuhet në deklaratë.
Nga ana tjetër, prokurorët për të mitur thonë se 440 fëmijë u vranë si rezultat i agresionit të armatosur të Rusisë. Bëhet e ditur se aktualisht janë 851 fëmijë të raportuar si të plagosur. Kjo do të thotë, në total, janë konfirmuar më shumë se 1,291 viktima fëmijë.
Sqarohet se këto shifra nuk janë përfundimtare pasi po punohet për verifikimin e raportimeve që vijnë nga zonat aktive të luftës, si dhe nga territoret e pushtuara dhe të çliruara përkohësisht.
Sipas PGO, numri më i madh i fëmijëve të prekur u raportua në rajonin Donetsk (424), rajonin Kharkiv (266), rajonin Kievit (117), rajonin Mykolaiv (77), rajonin Zaporizhia (76), rajonin Kherson (70), rajonin Chernihiv (68), rajonin Luhansk (64) dhe rajonin Dnipropetrovsk (33).
Gjithsej 2719 objekte shkollore u dëmtuan nga bombardimet dhe granatimet nga forcat e armatosura ruse. Prej tyre 332 u shkatërruan plotësisht”, saktësohet në deklaratë.
Siç është raportuar, më 27 nëntor, PGO tha se numri i fëmijëve të plagosur në Ukrainë për shkak të luftës në shkallë të gjerë me Federatën Ruse ishte rritur në 851. /FolDrejt/
