Ekipet e hokejit në akull të Rusisë dhe Bjellorusisë do të ndalohen të marrin pjesë në garat ndërkombëtare në sezonin 2023-2024, ka thënë organi drejtues i sportit, njofton Al Jazeera, transmeton Fol Drejt.
Duke përmendur shqetësimet e sigurisë, këshilli IIHF (Federata Ndërkombëtare e Hokejit në Akull) përcaktoi se nuk është ende e sigurt të ripërfshihen ekipet ruse dhe bjelloruse në garat IIHF për sezonin e ardhshëm të kampionatit IIHF 2023-2024.
“Është shumë herët për të riintegruar Rusinë dhe Bjellorusinë në garat tona”, tha presidenti i IIHF, Luc Tardif, pas mbledhjes së këshillit të organizatës të mërkurën.
Tardif përmendi “shumë rreziqe” për sigurinë e lojtarëve, zyrtarëve dhe tifozëve si arsyen e vendimit. Ai tha se IIHF do të rivlerësojë situatën në mars 2024, përpara fillimit të kualifikimeve për Lojërat Olimpike Dimërore 2026 në Milano dhe Cortina d’Ampezzo.
IIHF pezulloi të gjitha ekipet dhe klubet kombëtare ruse dhe bjelloruse nga pjesëmarrja në ngjarje ndërkombëtare në çdo kategori moshe pas pushtimit të Ukrainës nga Moska vitin e kaluar. Më vonë e zhvendosi kampionatin botëror 2023 jashtë Shën Petersburgut./FolDrejt/
