Izraeli shprehu mbështetje për Ukrainën pas fillimit të konfliktit në shkurt, por shmangu kritikat e drejtpërdrejta nga Moska dhe nuk vendosi sanksione formale ndaj oligarkëve rusë, duke u kujdesur që të mos prishte marrëdhëniet me Rusinë, një ndërmjetës i fuqishëm në Sirinë fqinje.
Ministria e Jashtme e Rusisë akuzoi sot Izraelin për mbështetjen e neo-nazistëve në Ukrainë, duke nxitur më tej tensionet mes dy vendeve, të cilat filluan me pretendimin e ministrit të Jashtëm rus Sergei Lavrov se Adolf Hitleri ishte me origjinë hebreje, transmeton Fol Drejt.
Autoritetet izraelite kritikuan Lavrovin dje, duke thënë se pretendimi i tij – i bërë kur foli për presidentin ukrainas Volodymyr Zelensky, i cili është hebre – ishte një gënjeshtër “e pafalshme” që pakësoi tmerret e Holokaustit nazist, raporton Reuters./FolDrejt/
