Rusia e ka shpallur “non grata” kryeministrin britanik Boris Johnson duke i ndaluar hyrjen në vendin e saj për shkak të luftës në Ukrainë.
Lajmi u konfirmua nga ministria e Jashtme ruse, e cila tha se kryeministri britanik Boris Johnson dhe anëtarë të tjerë të qeverisë britanike janë ndaluar të hyjnë në Rusi, shkruan BBC, transmeton Fol Drejt.
Ministria e Jashtme e Rusisë tha gjithashtu se i ka ndaluar hyrjen në vend përveç Johnsonit, edhe sekretares së Jashtme Liz Truss, sekretarit të Mbrojtjes Ben Wallace dhe 10 politikanëve dhe anëtarëve të tjerë të qeverisë britanike, raporton Reuters.
Masa u mor “duke pasur parasysh veprimin e pashembullt armiqësor nga qeveria britanike, në veçanti vendosjen e sanksioneve kundër zyrtarëve të lartë rusë”, raporton Reuters duke cituar deklaratën e ministrisë ruse.
Sipas autoriteteve në Moskë, së shpejti kjo listë do të zgjerohet./FolDrejt/
