Kremlini ka dënuar thirrjen e një zyrtari të lartë të Bashkimit Evropian për të krijuar një gjykatë speciale për të ndjekur penalisht krimet e mundshme të luftës nga zyrtarë të lartë rusë në Ukrainë, duke thënë se çdo organ i tillë do të ishte i paligjshëm dhe i papranueshëm për Moskën, shkruan Al Jazeera, transmeton Fol Drejt.
Presidentja e Komisionit Evropian, Ursula von der Leyen tha se një gjykatë e tillë mund të mbështetet nga Kombet e Bashkuara, për të hetuar “krimet e mundshme të agresionit”. Ekspertët juridikë thonë se krimi i agresionit është një krim lidershipi.
“Sa i përket përpjekjeve për të krijuar një lloj tribunali: ato nuk do të kenë legjitimitet, nuk do të pranohen nga ne dhe ne do t’i dënojmë,” u tha gazetarëve zëdhënësi i Kremlinit Dmitry Peskov.
Ukraina ka bërë presion për një gjykatë për të ndjekur penalisht udhëheqësit ushtarakë dhe politikë rusë për pushtimin e Moskës më 24 shkurt, megjithëse nuk ka pasur konsensus se çfarë forme mund të marrë një organ i tillë./FolDrejt/
