Rusia kaloi Arabinë Saudite si furnizuesi më i madh i naftës në Kinë në dy muajt e parë të vitit 2023, sipas të dhënave të qeverisë kineze, pasi ajo bleu naftën ruse të sanksionuar me zbritje të mëdha, raporton Klix, përcjell Fol Drejt.
Gjithsej 15.68 milionë tonë ose 1.94 milionë fuçi në ditë janë eksportuar nga Rusia në periudhën janar-shkurt, që është 23.8 për qind më shumë krahasuar me 1.57 milionë fuçi në ditë në të njëjtën periudhë të vitit 2022, treguan të hënën të dhënat nga Administrata e Përgjithshme e Doganave.
Rusia ishte furnizuesi i dytë më i madh i Kinës me naftë bruto vitin e kaluar, duke shpërndarë 86.2 milionë tonë.
Importet e naftës bruto saudite arritën në 13.92 milionë tonë në periudhën dymujore, ekuivalente me 1.72 milionë fuçi në ditë, nga 1.81 milionë fuçi në ditë një vit më parë.
Arabia Saudite ishte furnizuesi më i madh i Kinës në vitin 2022, duke shitur 87.49 milionë tonë naftë bruto gjatë vitit, ekuivalente me 1.75 milionë fuçi në ditë.
Sanksionet perëndimore dhe kufizimi i çmimeve të naftës së papërpunuar ruse në det të hapur pas pushtimit të Ukrainës nga Moska kanë kufizuar numrin e blerësve për furnizimin rus, duke bërë që ajo të tregtojë me zbritje të thella sipas standardeve ndërkombëtare.
Rafinerët e pavarur kinezë, shumë prej tyre me qendër në provincën Shandong, kanë qenë ndër përfituesit kryesorë të këtij ndryshimi në fuqinë e çmimeve. /FolDrejt/
