Rusia ka vendosur sanksione personale kundër 144 zyrtarëve qeveritarë, gazetarëve, ligjvënësve dhe figurave të tjera publike nga tre shtetet baltike, të cilët konsiderohen si “më armiqësorët” ndaj Moskës, ka thënë ministria e jashtme ruse, njofton Al Jazeera, transmeton Fol Drejt.
Estonia, Letonia dhe Lituania – të sunduara nga Moska gjatë Luftës së Ftohtë, por tani anëtare të Bashkimit Evropian dhe NATO-s – kanë qenë ndër kritikët më të fortë të pushtimit rus të Ukrainës.
Ministria tha se masa ishte një përgjigje ndaj asaj që e quajti lobim aktiv nga tre republikat baltike për më shumë sanksione kundër Rusisë dhe ndaj “ndërhyrjes së tyre në punët tona të brendshme, duke nxitur ndjenja rusofobike”.
Vitin e kaluar, Estonia, Letonia dhe Lituania filluan të kufizojnë hyrjen e qytetarëve rusë që udhëtonin nga Rusia dhe Bjellorusia në përgjigje të asaj që Moska e quan “operacioni i saj special ushtarak” në Ukrainë./FolDrejt/
