Qeveria e Kosovës sot pas mbledhjes ka bërë të ditur se koeficienti i pagave do të jetë 105 euro.
Ky ligj i cili hyn në fuqi brenda disa ditësh pritet të rregullojë pagat e mbi 82 mijë personave që janë të punësuar në sektorin publik të Kosovës. Në këtë koeficient nuk llogariten shtesat.
Bazuar në shumën prej 105 euro, koeficienti për pozitën e kryeministrit është 17 që rrjedhimisht del që paga e kryeministrit do të jetë 1785 euro për një muaj, transmeton Fol Drejt.
