Agjencia e Statistikave e Kosovës (ASK), së fundi ka publikuar raportin e “…Lindjeve, Vdekjeve, Kurorëzimeve dhe Shkurorëzimeve” për muajin korrik të këtij viti, shkruan Fol Drejt.
Sipas këtij raporti, “në muajin korrik 2023 janë regjistruar gjithsej 1 289 kurorëzime (brenda dhe jashtë Kosovës), kurse shkurorëzime të ndodhura në Kosovë janë regjistruar 150 raste.”
Po ashtu “…janë regjistruar 2 451 lindje (brenda dhe jashtë Kosovës). Prej këtyre lindjeve të regjistruara, 1 273 lindje janë meshkuj dhe 1178 lindje janë femra.”
Raporti hedh dritë edhe mbi numrin e të vdekurve. Sipas ASK-së, “janë regjistruar gjithsej 835 raste të vdekjeve (brenda dhe jashtë Kosovës). Prej vdekjeve të regjistruara, 462 janë meshkuj dhe 373 janë femra.”/FolDrejt/
