Frutat e thata, pavarësisht nga madhësia e tyre e zvogëluar, mund të jenë një bombë e vërtetë energjie
Arsyeja për këtë është përqindja e madhe e fibrave dhe lëndëve ushqyese që mbeten në frutat e thata
Shembulli më i mirë i kësaj janë kajsitë e thata, ku gjysmë filxhani me këtë frutë të thatë përmban 4.7 gramë fibra, ndërsa e njëjta sasi e frutave të freskëta përmban vetëm 1.6 gramë.
Frutat e thata janë një burim i mirë i antioksidantëve dhe vitaminave B.
Hulumtimet kanë treguar se njerëzit që konsumojnë fruta të thata kanë shprehi më të shëndetshme të të ushqyerit dhe peshë më të ulët të trupit.
Duhet të kihet parasysh se përqindja e sheqerit në frutat e thata është më e lartë se në frutat e freskëta.
Kjo është arsyeja pse disa njerëz duhet të jenë të kujdesshëm kur konsumojnë fruta të thata.
Një filxhan rrush i freskët ka 23 gramë sheqer dhe 104 kalori, ndërsa e njëjta sasi rrush i thatë ka 116 gramë sheqer dhe pesë herë më shumë kalori.
Kur bëhet fjalë për konsumimin e frutave të thata, rekomandohen 15 gramë nga ky frut për vakt. Frutat e thata mund të jenë një meze e lehtë shumë e shëndetshme, veçanërisht nëse kombinohen me produktet arrore.
Nëse dëshironi të humbni peshë, kujdesuni që të kufizoni marrjen e frutave të thata në mënyrë që të mos ngadalësoni procesin e djegies së dhjamit.
Shmangni frutat e thata të cilave u është shtuar sheqeri gjatë procesit të tharjes, siç është rasti me ananasin dhe frutat e tjerë të ëmbëlsuar.
