Pavarësisht se me ndërmjetësimin e Rusisë është nënshkruar një armëpushim mes Azerbejxhanit dhe Armenisë, gjatë ditës së fundit janë vrarë 51 ushtarë tjerë armenë, duke e çuar numrin e të vrarëve në 480 që nga fillimi i luftës në 27 shtator, informon foldrejt.com, duke u bazuar në Al Jaazera. Shumica e ushtarëve të vrarë armenë janë të lindur në 2000 ose 2001. Poashtu, institucionet armene thonë se 20 civilë armenë janë vrarë që nga fillimi i luftimeve, kurse nga të dy kampet, ka rreth 100 mijë të zhvendosur.
Viktimat nga Azerbejxhani
Në anën tjetër, Azerbejxhani nuk tregon numrin e ushtarëve të vrarë, por sipas institucioneve zyrtare të shtetit janë vrarë 41 civilë dhe 205 të tjerë të plagosur.
Ngjashëm ka pasur shumë dëme materiale. Nga luftimet me separatistët armenë, në territorin tonë janë shkatërruar “1165 shtëpi, 57 ndërtesa dhe 146 objekte publike,” thanë nga qeveria e Azerbejxhanit.
Luftimet mes armenëve dhe azerbejxhanasve ndodhet për tokën e kontestuar Nagorno-Karabak. Kjo e fundit de jure është pjesë e Azerbejxhanit, por kontrollohet nga forcat armene./Foldrejt.com
