Ky është momenti kur shpërthejnë të shtënat e armëve automatike të kalibrave të ndryshëm rrugëve të periferisë së Kievit, mes forcave ukrainase dhe sabotuesve rusë.
Përplasja ndodhi mes të paktën dy rusëve që kishin vjedhur mjetet ushtarake të ushtrisë ukrainase, që kishin qenë të parkuara para ndërtesave kolektive në bllokun Obolon në veri të Kievit, transmeton Telegrafi.
Derisa të shtënat dëgjoheshin në afërsi të ndërtesave, një tank i vjedhur nga rusët – shtypi një veturë civile brenda të cilës ishte një burrë.
Mrekullisht ai i shpëtoi vdekjes – ndërsa dy rusët tjerë që tentuan me kamion të arratisen, qëllohen me breshëri plumbash duke i detyruar të dalin jashtë.
Pasi e kuptojnë se nuk kanë nga t’ia mbajnë – njëri shihet i plagosur dhe vazhdimisht rreth trupit tij shkrepeshin plumbat.
E në një moment një ushtar ukrainas afrohet dhe e qëllon për vdekje, ndërsa ushtari i dytë rusë është kapur pak metra më larg.
