Analisti politik Sadri Ramabaja ka njoftuar se ka paditur deputetin e Partisë Demokratike të Kosovës (PDK), Mërgim Lushtaku, për fyerje dhe shpifje, shkruan Fol Drejt
Nëpërmjet një statusi të publikuar në llogarinë e tij në Facebook, Ramabaja ka shkruar se më 13 korrik 2023, në emisionin PRESSING, TV7, “në rrjedhën e minutit 44:15, Mërgim Lushtaku, që ishte në emision në cilësinë e deputetit [PDK], përmes gjuhës së nepërkës që ka kohë zihet në zyrat e SHIK-ut, si dikur në zyrat e UDB-së, tani duke e përdorë si mjet të lufëts speciale ndaj personit tim, ripërsëriti në studio, atë që kanë shpërndarë me kohë gjithandej, për gjoja lidhjet e mia me UDB-në!”
Andaj sipas Ramabajës “bazuar në nenin 4, paragr. 1 lidhur me nenin 14, paragr. 1 i Ligjit Civil kundër shpifjes dhe fyerjes, nr. 02/L-65, dorëzova padinë kundër Mërgim Lushtakut.”
Ky është statusi i tij i plotë:
Më 13 korrik 2023, në emisionin PRESSING, TV7, në rrjedhën e minutit 44:15, Mërgim Lushtaku, që ishte në emision në cilësinë e deputetit [PDK], përmes gjuhës së nepërkës që ka kohë zihet në zyrat e SHIK-ut, si dikur në zyrat e UDB-së, tani duke e përdorë si mjet të lufëts speciale ndaj personit tim, ripërsëriti në studio, atë që kanë shpërndarë me kohë gjithandej, për gjoja lidhjet e mia me UDB-në!
Kjo sortë e banditëve të katapultuar në Parlament, qenie të shpërfëtyruarara politike e pa identitet moral e politik, duke harruar se epoka e luftës speciale ndaj ish të burgosurve politikë ka perenduar. [Kështu vepronte një eshalon i specializuar i UDB-së në vitet ’80-ta duke filluar me Adem Demaçin, Hydajet Hysenin, Ibrahim Kelmendin e deri tek vogëlsia ime; po kështu veproi edhe një strukturë e tërë e LDK-së në vitet ’90-ta dhe më pas mekanizmi i strukturuar i PDK-së i njohur si SHIK në vitet e paslufëts].
Atbotë kjo sortë paraprakisht shpërndanin akuza ët kësaj natyre, duke paprapërgaditur kështu terrenin, pastaj për likudime fizike të kundërshtarëve politikë.
Viktimë e kësaj lufte speciale, siç dihet, ishte ideologu i LPK-së, Beajdin Hallaqi, ndërkaq pas luftës edhe një sërë aktivistësh të LDK-së].
Por, nëse atëbotë kjo sortë bëri ç’deshti, sot Republika ka mekanizmat e saj, Drejtësinë, e tilë si është, para së cilës ata duhet të japin përgjegjësi.
Unë sot bëra hapin e parë – bazuar në nenin 4, paragr. 1 lidhur me nenin 14, paragr. 1 i Ligjit Civil kundër shpifjes dhe fyerjes, nr. 02/L-65, dorëzova padinë kundër Mërgim Lushtakut.
