Rritja e prodhimit të energjisë elektrike nga burimet e rinovueshme, jo nga subvencionet, është çelësi për uljen e çmimeve të energjisë për industrinë gjermane, tha sot kancelari gjerman Olaf Scholz.
Kompanitë industriale në Gjermani kanë thënë më parë se çmimet e energjisë elektrike janë shumë të larta në krahasim me vendet e tjera, duke e vendosur industrinë e rëndë gjermane në atë që ajo thotë se është një disavantazh strukturor në krahasim me qendrat e tjera prodhuese si SHBA dhe Kina, raporton Reuters.
Ministria e Ekonomisë e Gjermanisë, e udhëhequr nga Robert Habeck i të Gjelbërve, njoftoi në fillim të kësaj jave një plan për një çmim të subvencionuar prej 6 cent për kilovat orë (kWh) deri në vitin 2030, por ministria e financave e qeverisë së koalicionit të Scholz dje hoqi skemën e subvencionimit./FolDrejt/
