Duke folur në Bundestag më 14 dhjetor, kancelari gjerman Olaf Scholz tha se diktatori rus llogariti gabimisht rezultatet e luftës së Rusisë kundër Ukrainës dhe e quajti atë historinë kryesore që karakterizon vitin 2022, shkruan The Kyiv Independent, përcjell Fol Drejt.
“Putini e kishte gabim – për guximin e ukrainasve, për Europën, për ne, për natyrën e demokracive tona, për vullnetin tonë për t’iu kundërvënë fuqive të mëdha dhe imperializmit”, tha Scholz.
Scholz gjithashtu i premtoi Ukrainës mbështetje të mëtejshme financiare, humanitare dhe ushtarake.
Gjermania njoftoi më 13 dhjetor se do të sigurojë 50 milionë euro për Ukrainën, pjesë e paketës së ndihmës prej 1 miliardë dollarësh të zotuar nga rreth 70 vende dhe organizata ndërkombëtare për të mbështetur Ukrainën këtë dimër, mes sulmeve masive me raketa të Rusisë në infrastrukturën e saj kritike. /FolDrejt/
