Blinken, i cili “është plotësisht i vaksinuar dhe me dozë të përforcuar kundër virusit”, po përjeton “simptoma të lehta”, tha zëdhënësi Ned Price në një deklaratë
Sekretari amerikan i Shtetit, Antony Blinken, rezultoi pozitiv me COVID-19, njoftoi Departamenti Amerikan i Shtetit, shkruan AA, transmeton Fol Drejt.
Blinken, i cili “është plotësisht i vaksinuar dhe me dozë të përforcuar kundër virusit”, po përjeton “simptoma të lehta”, tha zëdhënësi Ned Price në një deklaratë. Blinken rezultoi negativ të mërkurën në mëngjes, si dhe të martën.
Kryediplomati amerikan nuk është takuar personalisht me presidentin amerikan, Joe Biden, “për disa ditë” dhe Biden nuk konsiderohet një kontakt i ngushtë, sipas Price.
Blinken do të izolohet në shtëpi dhe do të punojë virtualisht dhe “pret me padurim të kthehet në Departament dhe të rifillojë detyrat dhe udhëtimet e tij të plota sa më shpejt të jetë e mundur”.
Diagnoza e Blinken vjen një javë pasi nënpresidentja Kamala Harris rezultoi pozitive. Është e paqartë se kur Blinken mund të rifillojë detyrat personalisht, por Harris nuk u kthye në Shtëpinë e Bardhë për afërsisht një javë, ndërsa ajo priste të rezultojë negative.
Zëdhënësja e Shtëpisë së Bardhë, Jen Psaki, është prekur nga COVID-19 dy herë, duke përfshirë një herë në mars dhe një herë në tetor, kur ajo u detyrua të anulonte planet për të shoqëruar Biden në samitin e G-20 në Romë./FolDrejt/
