Autoritetet serbe dyshohen se kanë mashtruar BE-në me një raport të fundit të dërguar për situatën në vend karshi luftës ndaj koronavirusit.
Në raportin e dërguar edhe OBSH-së thuhet se vetëm brenda një dite janë shëruar 4000 pacientë nga koronavirusi.
Statistikat kanë befasuar edhe shtetet më të fuqishme të BE-së të cilat kanë kërkuar një raport të detajuar lidhur me këtë informacion të dhënë nga Serbia.
Kjo pasi që për 2 muaj në Serbi janë shëruar 6000 njerëz të infektuar ndërsa tani brenda ditës thuhet se janë shëruar plot 4000 pacientë, statistika që nuk përputhen fare dhe janë vështirë të besueshme.
Lidhur me këtë, Instituti i Shëndetit Publik i Malit të Zi ka kërkuar zyrtarisht kërkesë për sqarim Institutit të Shëndetit Publik në Serbi lidhur me këtë informacion, transmeton Indeksonline.
Këtë mashtrim Serbia dyshohet se e ka bërë vetëm për të dalë nga zona e rrezikshme epidemiologjike ngase shumica e shteteve evropiane ia kanë mbyllur kufijtë për shkak të rrezikut nga koronavirusi.
Mali i Zi, Kroacia e Sllovenia janë vetëm disa nga shtetet fqinj që kanë hapur kufijtë për shtetet përreth, por jo edhe për Serbinë.
