Serbia është sërish i vetmi vend kandidat për të integruar në Bashkimin Evropian (BE), nga Ballkani Perëndimor, që nuk respektoi vendimin e ri të politikës së jashtme të Këshillit të BE-së, që këtë herë ka të bëjë me situatën në Libi, shkruan N1info, transmeton Fol Drejt.
Siç njoftoi Përfaqësuesi i Lartë i BE-së për Politikë të Jashtme dhe Siguri, Josep Borrell, më 10 korrik, Këshilli i BE-së miratoi Vendimin (CFSP) 2023/1439 në lidhje me situatën në Libi, i cili, ndër të tjera, ndalon anijet të mbajnë flamurin e tretë të vendeve të tjera, të cilat udhëtojnë drejt Libisë, ose kthehen nga ajo, ndërsa e kanë të ndaluar bartjen e armëve dhe materialeve të lidhura me to.
Të gjitha vendet e tjera kandidate për anëtarësim në BE në Ballkanin Perëndimor – Maqedonia e Veriut, Mali i Zi, Shqipëria dhe Bosnje-Hercegovina – ranë dakord me vendimin e ri të Këshillit të BE-së. Ato do të sigurojnë që politikat e tyre kombëtare të jenë në përputhje me këtë vendim dhe BE-ja e merr parasysh këtë angazhim dhe e mirëpret atë, tha Borrell.
Por Serbia është i vetmi vend kandidat për anëtarësim në BE në Ballkanin Perëndimor që nuk ka respektuar as 18 vendimet e Këshillit të BE-së për masat kufizuese për shkak të Ukrainës, të miratuara në 2022 dhe 2023, si dhe me shtatë vendimet e Këshillit të BE-së për masat kufizuese për shkak të situatës në Iran, nga viti 2022 dhe 2023.
Serbia as në muajin prill nuk e respektoi vendimin për masat kufizuese për shkak të Sirisë, në shkurt dhe mars nuk iu përmbajt vendimeve të Këshillit të BE-së për masat kufizuese për shkak të shkeljeve të rënda të të drejtave të njeriut, abuzimeve dhe në shkurt me Vendimin për masa kufizuese për shkak të situatës në Bjellorusi dhe pjesëmarrjes së saj në agresionin rus kundër Ukrainës.
Po ashtu Beogradi zyrtar nuk respektoi as vendimet për aplikimin e masave të veçanta në luftën kundër terrorizmit nga korriku 2022 dhe shkurti 2023, vendime këto të Këshillit të BE-së për masat kufizuese për shkak të situatës në Mali./FolDrejt/
