Ministrja për Integrime Evropiane Tanja Misçeviq në Qeverinë e Serbisë, është përpjekur t’u jap përgjigje akuzave që kanë qarkulluar për anshmërinë e Serbisë karshi çështjes së Ukrainës. Sipas saj, Serbia nuk është neutrale për luftën në Ukrainë, është ushtarakisht neutrale, por jo politikisht, sepse sipas saj ajo “vazhdimisht shpreh mbështetjen për integritetin territorial të Ukrainës”, transmeton Fol Drejt.
“Votimi në Asamblenë e Përgjithshme me rastin e përvjetorit të fillimit të luftës është një tjetër tregues i tillë dhe dërgimi i djeshëm i pajisjeve për restaurimin e elektroenergjetikës është mbështetje absolute për qytetarët. Ne gjithmonë e shpjegojmë atë me faktin se e dimë se çfarë do të thotë një sistem energjetik i shkatërruar”, ka thënë Misçeviq.
Në seancën e Komisionit të Parlamentit të Serbisë për Integrime Evropiane, ku ajo prezantoi Raportin për negociatat për anëtarësimin e Serbisë në Bashkimin Evropian gjatë presidencës së Republikës Çeke, në periudhën korrik-dhjetor 2022, i cili u pranua nga atë organ parlamentar, ajo tha se Serbia është i vetmi vend nga rajoni që e ka dërguar atë pajisje, edhe pse i gjithë rajoni i ka në pronësi.
“Ne po monitorojmë vazhdimisht, jemi në kontakt me ambasadën e Ukrainës dhe përmes mekanizmit të mbrojtjes civile të Bashkimit Evropian, cilat janë të gjitha nevojat humanitare të këtij lloji”, ka thënë ajo./FolDrejt/
