Ana Bërnabiq, kryeministre e Serbisë, ka thënë se shteti i saj po përballet me një presion të madh ndërkombëtar, më i madhi që nga vitet 1999, ka specifikuar ajo, shkruan Fol Drejt.
Ky presion është rritur veçmas kohëve të fundit.
“Bëhet fjalë për presionet më të mëdha dhe më të rënda ndaj Serbisë deri më tani, që nga viti 1999” – ka thënë ajo për TV Pink.
Ajo kujtoi se të gjithë ata që “dëgjuan me vëmendje presidentin Vuçiq në fjalimet dhe bisedat e tij gjatë korrikut dhe gushtit”, e dinë se ai e ka përmendur qartë disa herë se në gjysmën e dytë të shtatorit presioni ndaj Serbisë do të jetë i pabesueshëm.
Sipas saj, presioni është rritur sidomos pas “prezantimit të tij në Asamblenë e Përgjithshme të OKB-së, ku mbajti një fjalim krejtësisht të sinqertë, të hapur, jashtëzakonisht të guximshëm dhe ku tha të vërtetën absolute pa emocione të tepruara dhe u fryu në fytyrë të gjitha fuqive të mëdha. Të nesërmen i thashë se nuk do t’i falet kjo”.
Bërnabiq tha se presioni nuk justifikohet duke marr për shkak “planin e konsultimit me Rusinë. Ajo është çështje teknike dhe se është një dokument jodetyrues që është nënshkruar prej 26 vitesh.
“Sikur të kishte parë ndonjë nga ata që kritikojnë dhe sulmojnë Serbinë dhe shpallin deklarata kundër vendit tonë, do të kishin parë se, për dallim nga planet e ngjashme, në këtë nuk përmendet as aspekti i sigurisë, as nuk përmendet ndonjë lloj bashkëpunimi ushtarak. ” Kjo është në konsultim me një vend të rëndësishëm që nuk e njeh Kosovën, e cila është jashtëzakonisht e rëndësishme për ne, për interesat tona kombëtare”, u shpreh Bërnabiq.
Ajo shtoi se reagimi në mënyrë disproporcionale i dhunshëm në lidhje me kuptimin e planit të konsultimit është një tregues se është kërkuar një mënyrë për të reaguar ndaj fjalimit të Vuçiqit në Nju Jork, sepse, thotë ajo, disa fuqi të mëdha nuk mund të duronin të vërtetën e paraqitur nga presidenti. .
“Jam munduar të flas me zyrtarët e BE-së sot, nuk ka vend për bisedë, nuk na dëgjojnë, është shantazh brutal, kërcënm” – vijoi ajo.
Për shkak të presioneve që po vuan Serbia, sipas saj, ka shumë politikanë në SNS dhe anëtarë të qeverisë që duan që vendi të ndryshojë politikën e tij në mënyrë që presionet të zhduken dhe se presidenti dëshiron që ne të udhëheqim një politikë të jashtme të pavarur, sado e vështirë të jetë./FolDrejt/
