Kryeministri i Kosovës Albin Kurti po “përballet” me Aleksandër Vuçiqin në Bruksel, në një takim trepalësh ndërsa ndërmjetësues është Bashkimi Evropian, shkruan Fol Drejt.
Agjenda e diskutimeve nuk është bërë tërësisht e qartë, mirëpo ajo që njihet si “çështja e targave” e ka përshpejtuar procesin.
Bashkimi Evropian i ftoi të dy krerët e vendeve Kosovës dhe Serbisë, në një takim emergjent, “për t’iu dhenë fund tensioneve.”
Pink.rs një medium i njohur për afërsinë me Aleksandër Vuçiqin duke iu referuar takimit të Brukselit, ka shkruar se i tërë presioni ndodhet mbi Kryeministrin Albin Kurti, ani që ky në takim po duket shumë i relaksuar, raporton Fol Drejt.
Pink citon Këshilltarin e Departamentit të Shtetit, Derek Shole, i cili tha se ka kërkuar nga kryeministri i Kosovës, Aljbin Kurti që të shtyjë vendimin për targat.
Ai në llogarinë e tij në Twitter, dhe pas bisedës telefonike me Kurtin, ka thënë se tema kryesore e bisedës ka qenë shmangia e përshkallëzimit të mëtejshëm.
“Shtyrja e çështjes së gjobave të targave, lënia e dyerve të hapura për kthimin e serbëve të Kosovës në institucione dhe fokusimi në normalizimin e dialogut me Serbinë = mënyra më e mirë për të përmirësuar integrimin evropian dhe euroatlantik të Kosovës”, ka shkruar Shole.
Megjithatë këtë kërkesë Shole e kishte shtruar para disa ditësh.
Spoke with Kosovo PM @albinkurti on avoiding further escalation: postpone license plate penalties, keep the door open to Kosovan Serbs’ return to institutions, and focus on normalization Dialogue with Serbia = best path to advance Kosovo’s European & Euro-Atlantic integration.
— Derek Chollet (@CounselorDOS) November 19, 2022
Në anën tjetër, Blic.rs për takimin e sotëm në Bruksel thuhet se Serbisë i është ofruar “një zgjidhje poshtëruese”, por të cilën e ka refuzuar.
Sipas burimit të Blic.rs, Serbinë “e presin ditë të vështira dhe të pasigurta, sidomos në veri të Kosovës.”
Vuçiq me shumë gjasa sonte do t’u drejtohet qytetarëve.
Jozep Borej, komisioneri i lartë i BE-së për politikën e jashtme dhe Miroslav Lajçak, i dërguari special i BE-së për dialog, fillimisht u takuan me Kurtin, pastaj me Vuçiqin.
Fokusi i takimeve është gjetja e një rrugëdaljeje nga kriza aktuale dhe shmangia e çdo përshkallëzimi dhe tensioni në terren, me theks në çështjen e targave, njoftoi Shërbimi Evropian për Çështjet e Jashtme (EEAS)./FolDrejt/
