Drejtori ekzekutiv i ligës italiane të futbollit – Serie A, Luigi De Siervo ka konfirmuar se është nënshkruar kontrata për ndryshimin e emrit zyrtar të kësaj gare, raporton Klix, përcjell Fol Drejt.
Seria A në të ardhmen do të quhet “Serie A Made in Italy”, gjë që ka habitur plotësisht tifozët dhe ka shkaktuar reagime të shumta. Kryesisht, tifozët nuk janë të kënaqur me këtë ndryshim, por mund të ketë një ndikim pozitiv në kuadrin ndërkombëtar.
Është një kontratë 10 milionë euro e firmosur nga drejtuesit e Serisë A me qeverinë e Italisë, për të rikthyer futbollin italian në majat e Europës dhe botës.
Këtë e ka bërë të ditur De Siervo në një intervistë për AS spanjolle, duke thënë se synimi është të rritet statusi i përgjithshëm i Serisë A për t’u rikthyer në majat e futbollit botëror.
“Duke ndryshuar emrin, ne po fillojmë udhëtimin e kthimit në pozicionin numër një në futbollin ndërkombëtar. Po krijojmë një produkt më interesant, më cilësor. Ne po konkurrojmë me Netflix dhe Amazon në betejën për kohën e lirë të njerëzve. Sukseset e klubeve tona nuk janë rastësi dhe rezultatet e mira sjellin më shumë investitorë. Fondet kanë filluar të merren me Italinë sepse ne jemi liga me potencialin më të madh, siç kemi qenë prej dekadash”, tha De Siervo.
Ai shpjegoi se çfarë duhet të përmirësohet në futbollin italian, por gjithashtu shtoi se çfarë e bën Serie A kaq unike.
“Duhet të përmirësojmë stadiumet, por bukuria e qyteteve tona është unike. Në katër vitet e fundit katër skuadra të ndryshme kanë fituar Scudetton, gjë që nuk ndodh në asnjë vend tjetër. Bëmë një kontratë me qeverinë 10 milionë euro. euro në sezon dhe liga jonë do të quhet ‘Serie A Made in Italy’. Jemi në rrugën tonë për të rifituar lidershipin ndërkombëtar”, shtoi lideri i ligës.
Tifozët në rrjetet sociale janë mjaft të befasuar nga emri i ri, por janë të vetëdijshëm se nëse do të sjellë ecurinë e futbollit italian në të ardhmen, do ta pranojnë me kënaqësi.
De Siervo shtoi se ky ndryshim është modeluar në La Liga, e cila iu nënshtrua një riemërtimi 15 vjet më parë. Kreu i Serisë A pranoi se spanjollët janë përpara, por se italianët shikojnë miqtë e tyre dhe se ajo që ata po bëjnë në La Liga do të arrijë në të ardhmen e parashikueshme. /FolDrejt/
