Prej muajit të shenjtë të Ramazanit në Dibër përgatitet 40 pako me ushqim për të sëmurët dhe të pastrehët nga SH.H. Fondacioni Dibra.
Ata theksojnë se ky projekt kaq i nevojshëm dhe humanitar për qytetin e Dibrës, është në rrezik të mbijetesës për shkak se e gjithë ngarkesa u drejtohet vetëm dy mërgimtarëve. Ata kërkojnë që të kenë më shumë përkrahje nga dibranët e pasur, që përveç lehtësimit të dy mërgimtarëve ky projekt të vijojë edhe shumë vite të tjera, informon foldrejt.com.
“SHUMË MIRËNJOHJE, FALËNDERIME DHE KRITIKA PËR AKTIVITETIN TONË HUMANITAR, POR PSE SHUMË PAK DONACIONE PREJ DIBRANËVE?
1.A E DINI SE ÇDO DITË NDAJMË NGA 40 HAJE PËR TË SEMURËT DHE TË PASTREHËT?
2. A E DINI SE TASHMË PAGUAJMË EDHE 300 EURO PAGË MUJORE PËR KUZHINIEREN TONË?
3. A DUHET KJO BARË TË BJERË MBI KOKËN E DY MËRGIMTARËVE, APO MË MIRË TË JAPIM TË GJITHË NGA PAK?
NA NDIHMO O ZOT QË KY PROJEKT TË KETË JETËGJATËSI!
AMIN,” shkruajnë në rrjetin social Facebook SH.H. Fondacioni Dibra.
Në rast se ndokush gjen mundësinë për të ndihmuar nevojtarët në Dibër, mund të kontaktojë koordinatorin e projektit z. Zeqir Çanka (077635940), partnerin e projektit Nertil Osmani (071211066) nga shoqata “Drita” dhe menaxherin e projektit Xhemail Çupi (072213843).
Përveç ndarjes së pakove me ushqim, përmes projekteve të këtij fondacioni janë ndërtuar një shtëpi me forcat e veta, kurse me mërgimtarët dhe koordinator Skënder Kërçishtën ka ndërtuar edhe tre shtëpi të tjera./Foldrejt.com
