Lojtari shqiptar Xherdan Shaqiri i cili aktivizohet me Liverpulin beson se nuk i ofrohet respekt i mjaftueshëm si një lojtar i cili ka luajtur në Bajern Mynih – ku krahas që ka fituar dyherë Bundesligën, ai ka arritur të ngrejë edhe Kupën e Champions League, përcjell foldrejt.com, shkrimin e britanikes Mirror.
Ai ndjehet se aktivitetet e tij janë eklipsuar nga tifozët anglezë pas rrëzimit nga liga e Stoke City.
“Rrëzimi nga Premiere League me Stoke ishte një përvojë e shmëtuar për klubin dhe për mua dhe shpresoj që ata mund të rikthehet shpejt,” tha Shaqiri. “Por pavarësisht çfarë ndodhi atje, unë jam fitues i Champions League. Për këtë mendoj se meritoj respekt.”
Shaqiri ndjehet i frustruar me aktivizimin si titullar vetëm dyherë që kur ka ardhur në Merseyside. Por gjasat për fitimin e një vendi si titullar janë rritur pas paraqitjes së mirë në Champions League kundër Yllit të Kuq të Beogradit dhe golit kundër Cardiff City, përcjell foldrejt.com.
“Jam duke dhënë maksimimun dhe po kaloj në formën më të mirë,” shtoi 27 vjeçari nga Gjilani. “Po kalon një kohë dhe dua të kuptoj se çfarë don trajneri.”
Gjithsesi Shaqiri është i kënaqur nga Liverpuli pasi luan në Champions League, ku javës që vjen ka një kundërshtar që ia kujton Kupën e Botës: Ylli i Kuq i Beogradit.
“Çfarë ndodhi në Kupën e Botës është diçka tjetër.”
Në fund për pjesëmarrjen e tij në Beograd thotë se “futbolli është futboll dhe politika është politikë. Do shkoj në Beograd të luaj futboll. Nuk shkoj atje për diçka tjetër. Unë nuk mendoj se ata janë kundërshtarët më të mirë, të jem i sinqertë, por nuk shqetësohem për lojën në Beograd.”
Fitorja e Liverpulit në Beograd, do e kualifikonte atë në ⅛ e finales së Champions League.
