Shtetet e Bashkuara, përmes Agjencisë Amerikane për Zhvillim Ndërkombëtar (USAID), kanë ofruar më shumë se 374 milionë dollarë ndihmë humanitare shtesë për Ukrainën, shkruan Ukrinform, përcjell Fol Drejt.
“Presidenti Joe Biden njoftoi sot pas takimit të tij me Presidentin Zelensky se Shtetet e Bashkuara, përmes Agjencisë Amerikane për Zhvillim Ndërkombëtar (USAID), kanë ofruar më shumë se 374 milionë dollarë ndihmë humanitare shtesë në përgjigje të nevojave të vazhdueshme të shkaktuara nga lufta e Putinit kundër Ukrainës”, tha agjencia.
Ai shtoi se kjo ndihmë shtesë për shpëtimin e jetëve vjen në një moment vendimtar pasi sulmet e vazhdueshme ruse ndaj banesave civile dhe infrastrukturës kritike kanë lënë shumë komunitete pa qasje në strehim të sigurt, ushqim, ujë të pastër, kanalizim dhe shërbime të tjera bazë gjatë dimrit të ashpër.
Që nga fillimi i pushtimit të plotë të Putinit në Ukrainë në shkurt, qeveria e SHBA ka ofruar më shumë se 1.9 miliardë dollarë ndihmë humanitare për të mbështetur njerëzit në Ukrainë dhe ata që ikin në vendet fqinje, duke përfshirë më shumë se 1.4 miliardë dollarë ndihmë humanitare të USAID-it.
Më herët u raportua se Ukraina kishte marrë 105 pajisje energjetike me vlerë më shumë se 100,000 dollarë pa pagesë nga USAID. /FolDrejt/
