Ambasador i ShBA-së në Kosovë, Jeffrey Hovenier, ka theksuar se ShBA-të janë të shqetësuar për incidentin në, të cilin një serb i Kosovës u qëllua mbrëmë në Zveçan,e i cili fillimisht u mohua dhe kërkoi hetim të plotë të rastit, shkruan Fol Drejt.
“SHBA-të janë të shqetësuara për një incident në të cilin një serb i Kosovës u qëllua mbrëmë në Zveçan/Zveqan. Zyrtarët dhe institucionet e Policisë së Kosovës duhet të kryejnë një hetim të plotë dhe të besueshëm. Ne jemi thellësisht të shqetësuar nga mohimi fillestar i bërë pa kujdesin e duhur.”, shkroi Hovenier në Twitter.
Hovenier shtoi se të gjithë qytetarët duhet të kenë besim në transparencën e zbatimit të ligjit dhe sektorit të drejtësisë dhe se mbështetja e ShBA-së për institucionet e Kosovës për sundimin e ligjit avancon një vizion të përbashkët të një shteti demokratik dhe multietnik.
Ai theksoi në fund se ata që janë përgjegjës për veprime kriminale duhet të mbajnë përgjegjësi. /FolDrejt/
