Tre fëmijë u vranë nga të shtënat në një shkollë fillore private të krishterë në Nashville, thanë zyrtarët atje. I dyshuari për sulmin ka vdekur edhe pas një konfrontimi me policinë, përcjell Fol Drejt.
“Të tre fëmijët u shpallën të vdekur pas mbërritjes në spital”, u tha CNN.
Guvernatori i Tennessee Bill Lee po monitoron situatën në një shkollë në Nashville pas këtij krimi brutal.
Guvernatori shkroi në Twitter se Departamenti i Sigurisë së Tenesit dhe Patrulla e Autostradës së Tenesit po ndihmonin agjencitë e tjera në vendngjarje. Byroja e Hetimit në Tennessee është gjithashtu e përfshirë në ndihmën pas një krimi brutal.
Ky institucion është një shkollë private e krishterë e themeluar në vitin 2001 si një shërbim i Kishës Presbiteriane të Besëlidhjes. Shkolla jep mësim parashkollor deri në klasën e 6-të dhe ka një regjistrim mesatar prej rreth 200 fëmijë në vitet e fundit.
Incidenti është sulmi i 19-të në shkollë apo kolegj këtë vit, në të cilin të paktën një person u vra, sipas CNN.
Javën e kaluar, një student në një shkollë të mesme në Denver, Kolorado qëlloi dhe plagosi dy anëtarë të fakultetit dhe studenti u gjet i vdekur më vonë nga një plagë e vetëshkaktuar me armë zjarri. /FolDrejt/
